Foydalanish shartlari

1. Taraflar va xizmat

Aloqa: ranizomiddin@gmail.com, Telegram @nizomiddin_rakhimberdiev, telefon +998 94 726 77 26, +998 95 076 77 26.

Radix CRM — xususiy bogʻchalar uchun bulutli boshqaruv tizimi: bolalar, davomat, toʻlovlar, xodimlar, ombor va hisobotlar. Saytdagi demo formasi shartnoma emas; majburiyatlar rasmiy shartnoma va hisob-faktura bilan yuzaga keladi.

2. Hisob ochish

Bogʻcha hisobini egasining oʻzi saytdan ochadi: elektron pochtaga tasdiqlash havolasi keladi, parolni egasi oʻrnatadi — Radix parolni bilmaydi. Shundan keyin 15 kunlik sinov boshlanadi. Xodimlarning hisoblarini bogʻcha oʻzi yaratadi — ularga 72 soat amal qiladigan taklif havolasi boradi; hisoblar va ularning huquqlari uchun bogʻcha javobgar.

3. Obuna va toʻlov

Narx roʻyxatdagi bolalar soniga bogʻliq: oyiga 400 000 soʻm, 50 nafargacha bola kiradi; har boshlangan 10 nafar bola uchun +50 000 soʻm (masalan, 51 nafar — 450 000). Toʻlov muddati: oylik, yarim yillik (−15 %) yoki yillik (−25 %). Toʻlov hisob-faktura asosida bank orqali amalga oshiriladi.

Narx oʻzgarsa, bu kamida 30 kun oldin xabar qilinadi va allaqachon toʻlangan davrga taʼsir qilmaydi.

4. Sinov muddati

15 kunlik bepul sinov. Obunaga oʻtilganda birinchi toʻlangan oy sinov boshlangan kundan hisoblanadi — bu hisob ochilganda aytiladi.

5. Mavjudlik

Xizmat kun-u tun ishlashga moʻljallangan. Rejali texnik ishlar oldindan eʼlon qilinadi va iloji boricha ish vaqtidan tashqarida oʻtkaziladi. Aniq mavjudlik koʻrsatkichi (SLA) va uning buzilishidagi kompensatsiya, agar kelishilgan boʻlsa, shartnomada koʻrsatiladi.

6. Zaxira nusxa

Maʼlumotlar bazasidan har kuni zaxira nusxa olinadi va 14 kun saqlanadi. Tiklash bogʻchaning soʻrovi bilan amalga oshiriladi.

7. Toʻlov kechiksa

Toʻlov kechiksa, hisob "faqat oʻqish" rejimiga oʻtadi: yangi yozuv kiritib boʻlmaydi, lekin maʼlumotlarni koʻrish va eksport qilish ishlayveradi. Toʻlanmagani uchun maʼlumotlar oʻchirilmaydi va yashirilmaydi.

8. Shartnoma tugaganda

Shartnoma tugagach bogʻcha 30 kun davomida maʼlumotlarini koʻra va eksport qila oladi (Excel/CSV). Shundan keyin maʼlumotlar butunlay oʻchiriladi.

9. Mijozning majburiyatlari

Bogʻcha CRMʼga kiritadigan shaxsga doir maʼlumotlar uchun qonuniy asosga (jumladan, ota-onalar va xodimlar roziligiga) ega boʻlishi, maʼlumotlarning toʻgʻriligi va oʻz xodimlari hisoblarining xavfsizligi uchun javobgar.

10. Javobgarlik chegarasi

Radix bilvosita zarar va boy berilgan foyda uchun javobgar emas. Radixning umumiy javobgarligi zarar yuzaga kelgan paytgacha boʻlgan oxirgi 3 oyda toʻlangan obuna summasi bilan cheklanadi, agar qonunchilik boshqacha talab qilmasa.

11. Toʻxtatish tartibi

Bogʻcha shartnomani istalgan vaqtda bekor qilishi mumkin; xizmat toʻlangan davr oxirigacha ishlaydi. Radix shartlar jiddiy buzilganda yoki toʻlov uzoq muddat kechiksa, oldindan yozma ogohlantirib, xizmatni toʻxtatishi mumkin.

12. Nizolar

Nizolar avvalo muzokara yoʻli bilan hal qilinadi. Kelishuvga erishilmasa — Oʻzbekiston Respublikasi qonunchiligiga muvofiq, vakolatli sudda.